Posted by 14 июли соли 2025 дар толори калони мақомоти иҷроияи ҳокимияти давлатии ноҳияи Спитамен маҷлиси васеи ҷамъбастӣ оид ба натиҷаҳои рушди иқтисодиву иҷтимоии ноҳия дар нимсолаи якуми соли 2025 баргузор гардид.
Дар кори маҷлис намояндаи Ҳукумати Ҷумҳурии Тоҷикистон, Раиси Суди Олии иқтисодии Ҷумҳурии Тоҷикистон муҳтарам Абдуллозода Зебунисо, намояндаи мақомоти иҷроияи ҳокимияти давлатии вилояти Суғд, мудири шуъбаи иқтисод, молия ва дурнамосозии дастгоҳи Раиси вилояти Суғд Саидимомхӯҷа Акбаров ширкат варзиданд.
Муовинони Раиси ноҳия, роҳбарони бахшҳо ва сохторҳои дахлдори мақомоти иҷроияи ҳокимияти давлатии ноҳия, роҳбарони мақомоти ҳифзи ҳуқуқ, мудирони шуъбаҳо ва бахшҳои дастгоҳи Раиси ноҳия, роҳбарони ташкилоту муассисаҳои давлатии ноҳия, раисони ҷамоатҳои шаҳраку деҳот, масъулини соҳаи кишоварзӣ, роҳбарони ассотсиатсияҳои истифодабарандагони об, намояндагони соҳаҳои маориф, тандурустӣ, фарҳанг, ҳифзи иҷтимоӣ, молия, андоз, суд, прокуратура, комиссияи интихобот ва дигар шахсони расмӣ ва фаъолони ноҳия низ дар кори маҷлиси ҷамъбастӣ иштирок карданд.
Нахуст, муовини Раиси ноҳия Дилрабо Раҳимӣ доир ба масъалаи рӯзномаи маҷлис – натиҷаҳои рушди иқтисодиву иҷтимоии ноҳия дар нимсолаи якуми соли 2025 суханронӣ намуд. Дар гузориши муфассал муовини раиси ноҳия нишондиҳандаҳои муҳими иқтисодӣ, иҷтимоӣ, бахши кишоварзӣ, таъмини буҷет, татбиқи барномаҳои давлатӣ, дастгирии соҳибкорӣ ва вазъи иҷтимоии аҳолиро мавриди таҳлилу баррасӣ қарор дод.
Ҳамчунин зикр гардид, ки бо дастгирии бевоситаи Пешвои муаззами миллат муҳтарам Эмомалӣ Раҳмон ва роҳбарияти Ҳукумати Ҷумҳурии Тоҷикистон дар ноҳия як қатор корҳои созандагиву ободонӣ амалӣ гардида, нишондиҳандаҳои рушди иқтисодӣ дар сатҳи хуб қарор доранд.
Дар анҷоми маҷлис, пас аз шунидани гузоришҳо ва баррасии муфассали натиҷаҳо, иштирокчиён ба муҳокимаи масъалаҳо пардохтанд ва тавсияҳои зарурӣ барои нимсолаи дуюми соли 2025 пешниҳод гардиданд.
Раиси ноҳия Темурҷон Нӯмонзода ба ҳамаи иштирокчиён барои иштироки фаъолона изҳори миннатдорӣ баён намуда, таъкид дошт, ки танҳо бо масъулиятшиносӣ ва ҳамкории зич метавон ба рушди устувори ноҳия ноил гардид.
манбаъ: Аз саҳифаи фейсбукии Мақомоти иҷроияи ҳокимияти давлатии ноҳияи Спитамен.